Тöмлöн Гаж

          ТÖМЛÖН ГАЖ

Видзöдö сюсь синма тöлысь,

Койö муö кöдзыд рöм,

Пемыд пиын вöйö вöрыс,

Ассьыс гажсö восьтö Тöм.

Жугыль синсö вывлань лэптö,

Пиньыс лоöма нин ныж,

Уна пöтка кыйöм бöрын

Чегъясьöма вöвлöм гыж.

Вöрса йöлöгаöн кылö

Унзiль Тöмлöн сьыланкыв,

Кöнкö кöин вöча сьылö

Асслас омлялöмнас пыр.

Бипурлöн гöрд биыс вылань

Трачкöччöмöн сотö гез.

Потан пыдди лоö сылöн

Нитшка, кольöм вöрын пес.

Тöдтöмнога сiйö йöктö,

Бокысь бокö гартлö бöж,

Некод сы дорысь тай öтдор

Гажöдчыны тадз оз куж.

Мыччö пусянь сюра юрсö.

Сюркнялöма бöжсö Тöм,

Öстöм бипур кусö, сылö,

Со и войлы воö пом.