Гажа–гажа нöрыс вылын

ГАЖА –ГАЖА НÖРЫС ВЫЛЫН

Гажа–гажа нöрыс вылын

Быдмö уна тусь да гоб,

Тайö джуджыд нöрыс вылас

Волывлiсны чоя-вок.

Волывлiсны тусьла, гобла,

Чуман тырлывлiс на пыр,

Копрасьысны нэмся мырлы

Овны сиысны на дыр.

Кадыс ва моз быттьö мунö,

Локтiсны та вöрö йöз,

Кералiсны нэмся пуяс,

Талялiсны быдман оз,

Вöчалiсны ыджыд грездъяс.

Öдйö кыптö налöн удж –

Биыс кайö вылöдз вылö,

Пемдытöдзыс на оз кус.

Кадыс бара ва моз кывтiс

Грездыс сiйö эз нин ло,

Ыджыд сикт сы места кыптiс

Ылö мунны эз нин ков.

Йöзыс видз-му овмöс сорöн,

Медым эз су найöс мöг,

Олöны сэн лунöн, войöн,

Тупкысьöмöн, петавтöг.

Трактор ныръялiс важ сиктсö

Сы местаын быдмис кар.

Ыджыд трубаяс сьöд тшынöн

Ылöдз тыдалöны тан.

Гажа–гажа нöрыс вылын

Быдмис коркö тусь да гоб,

Тайö джуджыд нöрыс вылас

Волывлiсны чоя-вок.

Волывлiсны гобла, тусьла,

Эз нин тырлы налöн ноп.