Мöдлапöв



***
Бӧрдӧ еджыд пу
Зарава синваӧн,
Воштӧ мича пу
Ассьыс вынъяссӧ.
Чегӧм ув вылын
Том кор мыччысьӧ,
Вежӧдны кӧсйӧ му,
Быдмӧ, оз лэччысь.
Косьмöм пу вылын
Колип пукалӧ.
Нора сьылӧ кып
Тулыс воöмлы.
Бöрдö еджыд пу,
Сьӧд му коялӧ,
Тулыс воöмсö
Зараваöн вошйöдö.




       КОЛЬӦМ КЕРКА
Киссьӧм керка, тупкӧм ӧшинь
Дзуртысь ӧдзӧс вылын вуг,
Везъяс кыӧма нин черань -
Ӧз нин тӧдчы важся ру.

Печкан дорын мелі ичинь
Ассьыс кудельсӧ оз кы,
Еджыд пачлӧн ваймӧм горын
Чӧскыд кӧвдумӧн оз кыв.

Зэр оз жалит сійӧс арын,
Тӧлын нӧбӧдӧ руд лым,
А ӧд коркӧ ыджыд сиктын
Медся кыпыд кутiс вын.




           КОНЬÖР
Кöнкö бокын, изъяс вылын
Быдмö-олö коньöр пу.
Вужъяс петалöмась сылöн,
Увлань лэдзöма кос ув.

Кöнкö сиктын, рöдвуж ордын
Быдмö-сöвмö коньöр ныв.
Важмöм платтьöсö пыр новлö,
Кöсаяссö оз нин кы.

Кöнкö войын, ывла вылын,
Увтö тöлысь вылö пон.
Тшыгъялöма, гöныс усьö,
Синмыс оз нин аддзы. Пом. 








Комментариев нет:

Отправить комментарий