Войвыв




***
Эн паныд сувт тэ кöдзыд воöмлы,
Мед ваяс ассьыс гусятор,
Мед ыркыд сынöдыс оз ылöдлы,
Оз веськав синмад йиысь сор.

Быд ловö сiйö кужö пыравны
Да аддзö сэтысь колан кыв,
Öд сьöлöмкöд тшöтш найö сыласны,
Кор кутас сывны еджыд лым.




                       ТÖВ
Эн висьтав «Аддзысьлытöдз» вой тöв,
Ме бара кыла ассьым воськов.
Тэ бара кынтан менсьым чужöм,
Ме шонта киöс кепысь гозын.

Тэ йöзлы петкöдлан на вынтö,
Но чизыр тöвру менö кынтö.
Быттьö йöрмис кöдзыд сынöд,
Тэнсьыд топöдлöм ог вунöд.



         ***
Муна тэ бöрся ме, турöб,
Биöн öзйысь вöрсянь вöтча,
Менö аслад лымнад нöбöд,
Йиа ваад изöн усьны кöсъя.

Йизьöм син лыс. Лымлöн кöр…
Коркö сьöлöм вöлi öзйö.
Кынмöм киын кута йитор.
Выльысь радейтöм он вöзйы.




                       ***
Важ автобусöн гаштöм, кöдзыд карö
Бара на ме муна.
Видзöдлыны кöсъя аслам сикт вылö,
Сöмын öшинь руа.












Комментариев нет:

Отправить комментарий