ЯПОНИЯ

HIGANBANA[1]

Тэ гуяс вылысь сiйöс аддзан,

Кор мылькъяс воссясны син водзын

И би моз быттьö öзъяс нöрыс,

Кöн пемыд вöрлöн сiсьмöм кöрыс,

Сэн быдмö дзоридз – гöрд ликорис.

Кор арся дзридз сыръяс восьтас,

Шулöмась, мый керка сотчас,

Тэ сiйöс аддзан кö – эн босьт:

Ликорис - тайö адысь гöсть.

---

[1] яп. название цветка ликориса; «паучья лилия»

***

Визувтö лöня кад тан.

Черимоз ваысь мыччöдö бан,

Кыпöдчö енэжö гöрд Тории [1]

Чужтöм инö нюжöдöма ки.

Нуö олöм тэнö Енлань,

Али виччысьö нин Эмма[2]

Видзöдö вывсянь Кацура - отоко[3],

Тöдö, туйысь он кеж бокö.

---

[1] Японские священные ворота

[2] яп. судья Ада

[3] лунный дух

***

Шырбияслöн туйяс кузя,

Кöн тулыслöн пыр юмов кöр,

Сумида юлöн виньов визьыс

И Фудзи гора лöзов рöм,

Кöн самурайлы дона нывлöн

Юката подул быттьö гы,

Кöн еджыд кымöрын гöрд шондi

Да сакуралöн кор кыдз лым,

Дзёмон кадсянь нюжöдöма вужсö

Рама кутö улö лэдзöм юр,

Кытчöдз изысь кыр оз нитшсяв[1]

Дзордзалас мед Асыввывса му.

---

[1]строчка из гимна Японии "Царствование Императора"

ТАНАБАТА[1]

Сизимöд толысся сизимöд войö,

Кор пемыд пиын кодзув вöйö

Тэ выльысь пасьталан юката[2]:

Öд тайö войыс - Танабата.

Кор шондi дзебас бöръя югöр,

Видзöдлы, кыдз вежсис гöгöр!

И енэж вылысь аддзан тэ

Хикобоси - кодзув, да Орихимэ.

Öд татшöм войö сьöлöмкылöм

Тöв моз кыпöдчас зэв вылö.

Аманогава[3] визьыс – сöстом ю,

Радейтöмлы восьтас туй.

---

[1] — традиционный японский праздник, также часто называемый «фестиваль звёзд», отмечается 7 июля, основанный на легенде о прекрасной принцессе Орихимэ (яп. ткачиха) и Хикобоси (яп. пасущий коров), которые встретились и полюбили друг друга. Ткачихой называют яркую звезду Вегу в созвездии Лиры, а Пастухом - звезду Альтаир в созвездии Орла.

[2] — традиционная японская одежда, представляющая собой летнее повседневное кимоно.

[3] — млечный путь.

***

Кöнкö Япониян сакура дзордзалö,

А войвылын – турöбöн нöбöдö,

Кельыд  кор тöв гылöдö

Сьöлöм ышöдö.

                  ***

Асывнас Тэмико  - сан

Рöмпöштан дорын едждöдö бан.

Дзоридзъясöн ывла вывсö

Мичмöдöма тулыс быдсöн. 

Медбур кад, кор пыр на том,

Дыр нин сiйöс öти зон

Гортсьыс гусьöн петны корö

Выльысь пандасьны пос дорö.

Войын увтны кутiс пон,

Сöмын нывлы ыджыд дон

Вöчны воськов. Сьöлöм сылöн,

Петны гортсьыс оз лэдз ылö.

Асыввыв   
    
Мифологя